Sunday 18 May 2014

The Sunday Posts 2014/ Prows O Reekie




O wad this braw hie-heapit toun
Sail aff like an enchanted ship,
Drift owre the warld's seas up and doun,
And kiss wi' Venice lip to lip,
Or anchor into Naples' Bay
A misty island far astray
Or set her rock to Athens' wa',
Pillar to pillar, stane to stane,
The cruikit spell o' her backbane,
Yon shadow-mile o' spire and vane,
Wad ding them a', wad ding them a'!
Cadiz wad tine the admiralty
O' yonder emerod fair sea,
Gibraltar frown for frown exchange
Wi' Nigel's crags at elbuck-range,
The rose-red banks o' Lisbon make
Mair room in Tagus for her sake.
A hoose is but a puppet-box
To keep life's images frae knocks,
But mannikins scrieve oot their sauls
Upon its craw-steps and its walls;
Whaur hae they writ them mair sublime
Than on yon gable-ends o' time?

Lewis Spence
Photo by Alistair.

2 comments:

Twisted Scottish Bastard said...

Ma Goad,
a pome aboot Embra wi' nae mention o Rose Street?

Yamini MacLean said...

Hari OM
...oh I did think I had not seen you for a while - somehow this post did not get notified to me. Now rectified. Wow - you had prime position for that photo!!! A fine few lines to match. YAM xx

The Sunday Posts 2017/Mince and Tatties.

Mince and Tatties I dinna like hail tatties Pit on my plate o mince For when I tak my denner I eat them baith at yince. Sae mash ...