Sunday 17 January 2016

The Sunday Posts 2016/Summons to Burns Nicht



KING GEORDIE issues out his summons,
Tae ca his bairns, the Lairds an Commons,
Tae creesh the nation's moolie-heels,
An butter Commerce' rusty wheels,
An see what new, what untried tax,
Will lie the easiest on oor backs.
The priest convenes his scandal court,
Tae ken what houghmagandie sport
Has been gaun on within the parish
Since last they met,—their funds tae cherish.

But I, the servant of Apollo,
Whase mandates I am proud tae follow,—
He bids me warn you as the friend
Of Burns's fame, that ye'll attend
Neist Friday e'en, in Luckie Wricht's,
Tae spend the best—the wale o nichts ;
Sae, under pain o ha'f-a-merk
Ye'll come, as signed by me, the Clerk.

Unknown.

1 comment:

Yamini MacLean said...

Hari om
That's braw! YAM xx

The Sunday Posts 2017/Mince and Tatties.

Mince and Tatties I dinna like hail tatties Pit on my plate o mince For when I tak my denner I eat them baith at yince. Sae mash ...